Një i moshuar është gjetur i vetëm këtë të mërkurë nga shërbimet e policisë në Fier.
Bëhet me dije se i moshuari është rreth 80 vjeç, 165 cm dhe mban të veshura, një xhiboks blu dhe pantallona ngjyrë kafe. Ky i fundit dyshohet se vuan nga humbja e kujtesës pasi nuk mban mend as emrin e tij apo adresën e banimit.
Blutë kanë publikuar edhe foton e të moshuarit, si dhe një numër kontakti për familjarët apo të njohurit që të shkojnë ta marrin.
Njoftim i Policisë së Fierit:
Në ambientet e Komisariatit të Policisë Fier, ndodhet një shtetas që nuk mban mend emrin e tij dhe as adresën e banimit. Ky shtetas është gjetur i vetëm, në lagjen ‘1 Maji’, Fier, gjatë patrullimit nga shërbimet e Patrullës së Përgjithshme.
Shtetasi është rreth 80 vjeç, rreth 165 cm dhe mban të veshura, një xhiboks blu dhe pantallona ngjyrë kafe.
Familjarët ose të njohurit e këtij shtetasi, mund të paraqiten në ambientet e Komisariatit të Policisë Fier ose të telefonojnë në numrat 112 / 0694110223
