Kryetari i grupit të Partisë Demokratike, Gazment Bardhi tha në emisionin “Now me Erla Mëhillin” se nuk do të luajë lojën e Edi Ramës dhe Erion Veliajt, por do të luftojë për ata që e kanë besuar duke i dhënë votën.
Ndërkohë, ai theksoi se kryeministri dhe kryebashkiaku po sponsorizojnë përçarjen e opozitës.
“Kur bëj kalkulimet e mia politike them kush është kundërshtari im politik? Është Edi Rama dhe Erion Veliaj të cilët po sponsorizojnë për ta mbajtur të përçarë opozitën. Tani unë do luaj lojën e Erion Veliajt? Jo! Do luaj lojën e atyre që më kanë votëbesuar si opozitar. Unë nuk do luaj lojën e Erion Veliajt, lojën e Edi Ramës, lojën e Taulant Ballës. Unë do të luaj lojën e atyre që kanë sakrifikuar me mua 10 vite në opozitë,” – u shpreh Bardhi.
Lidhur me aksionin opozitar, Bardhi tha se opozita do të bëjë gjithçka që është e mundur për të siguruar të drejtat që ia garanton kushtetuta.
