Shqipëria do të luajë ndeshjen e fundit në këto kualifikuese në “Air Albania” më 20 nëntor ndaj Ishujve Faroe, me një stadium i cili do të jetë plot.
Kjo pasi një javë më parë janë shitur të gjitha biletat për këtë takim që do të nisë në orën 20:45.
Sa u përket çmimeve, bileta më e lirë ishte 30 mijë lekë të vjetra, ndërkohë ato te tribuna karshi shkonin 80 mijë lekë.
Por ndërkohë, sfida ku Shqipëria me gjasa do të kualifikohet zyrtarisht për në Europianin e verës së ardhshme do të jetë ndaj Moldavisë në transfertë më 17 nëntor, ku edhe aty pritet një numër prej 700-750 tifozësh shqiptarë të pranishëm në Kishinjau, kryeqytetin moldav.
