Eksperti i sigurisë Ilir Kulla në emisionin “Zonë e Lirë” u shpreh se në SPAK ishte në cilësinë e një deklaruesi.
Kulla u shpreh se para prokurorëve të SPAK ka dëshmuar për çështjen CEZ-DIA, por nuk dha më shumë detaje, për shkak të sekretit hetimor
“Pasi firmosa deklaratën që dhashë më thanë që është hetim zyrtar dhe duhet të respektoj rregullat, pra jam i detyruar t’i respektoj. Të them që kam dhënë deklaratë për çështje CEZ-DIA. Bëmë një bashkëbisedim shumë miqësor, hetuesi ishte një djalë i ri. Pra isha në cilësinë e një deklaruesi. Më thirrën me telefon.Kam thënë gjërat që di, në bazë të pyetjeve që më janë bërë. Mu dukën shumë profesionalë dhe shumë të sjellshëm”, tregoi ai.
