4 punonjës të Gardës janë pezulluar nga detyra pas kaosit të shkaktuar në Kuvend që ndodhi ditën e enjte.
Burimet mediatike bëjnë me dije se punonjësit nuk përmbushën detyrën për ndalimin e tymueseve në seancë.
Në seancën e së enjtes, deputeti Saimir Korreshi ndezi disa tymuese, që shkaktuan mjegull në sallë dhe për pasojë seanca zgjati rreth 20 minuta.
Nga pamjet filmike shihet se tymueset deputeti demokrat i nxjerr nga çantat e deputeteve Lindita Metaliaj dhe Elda Hotit.
Referuar këtyre incidenteve, të tre deputetët u përjashtuan për 10 ditë nga Sekretariati i Etikës.
