Është ekstraduar drejt Italisë një shtetas shqiptar, pasi kërkohej për trafikim kokaine.
Shqiptari ishte shpallur në kërkim që prej shkurtit të 2023 nën akuzën e trafikut të 139 kg kokainë në Itali, dhe u arrestua në Shqipëri më datë 7 nëntor të këtij viti.
Hetimet për kapjen e tij nën urdhërin e Prokurorisë së Venezias u ekzekutuan në bashkëpunim me Eurjust, Zyrën italiane Eksperte të sigurisë në Shqipëri, personelin e grupit investigativ kundër krimit të organizuar të Venezia e autoriteteve shqiptare.
Shqiptari i arrestuar është ekstraduar e dërguar në burgun e Torinos. Ai figuron banues në Asti të Italisë.
