Skënderbeu do të presë Teutën në Korçë për të bërë mes tyre llogaritë e javës së 13-të të Kategorisë Superiore. Ky takim do të luhet ditën e shtunë duke nisur që nga ora 17:00.
Një përballje ku korçarëve nuk u lejohen më hapa fals dhe në shtëpinë e tyre do të luajnë për “jetë a vdekje”. Ivan Gvozdenovic do të bëjë llogaritë pa dy lojtarë.
Uche Sebastian dhe Klevis Shaqe do të mungojnë në këtë përballje. I pari u dëmtua ndaj Dinamos dhe prej dy javësh nuk luan, ndërsa futbollisti korçar mori një goditje në kavilje në duelin me Tiranën.
Në këto kushte të dy lojtarët nuk do të mund të llogaritet ndaj durrsakëve, me stafin që “kryqëzon gishtat” që të mund të rikuperohen për ndeshjet pas sfidave të Kombëtares.
