Gazetari Arian Çani i ka propozuar liderit të opozitës Sali Berishës që të përshkallëzojë aksionin opozitar.
Çani tha se i duket normale situata e krijuar kohët e fundit në Kuvend ku ka pasur përplasje mes deputetëve dhe flakadanë të hedhur.
Në një intervistë për emisionin “Now” në Euronews Albania, Çani theksoi se kjo që po bën opozita është shumë pak, pasi sipas tij ajo duhet të dalë nga vetja.
“Ka një inerci, thjesht për të thënë se çfarë po ndodh. Nuk ka ndonjë gjë të re. Ka tymuese, karrige të përmbysura. Berisha që del live ndërkohë që votohen ligjet me shpejtësi. Nuk ka asgjë të re. Ka thjeshtë vazhdimësi. Mendoj se kjo që po bën opozita është shumë pak. Ritmi dhe teknikat e kundërsulmit duhet të jenë më të forta. Nuk ka vajtur thika në palcë. Mua më duket një gjë fare normal. Opozita nuk është jetë a vdekje. Është një fëmijë që vetëm qan, por do më pas do të pushojë. Gjendja nuk është skandaloze”-tha Çani.
