30-vjeçarja me inicilale E.I, është nëna e foshnjës së braktisur që u gjet mesditën e djeshme në bodrumin e një pallati në Yzberisht.
E reja është shoqëruar në polici për tu marrë në pyëtje lidhur me ngjarjen, ku ka deklaruar se e ka fshehur shtatzëninë e saj dhe ka braktisur beben, se nuk ka dashur që të merret vesh nga familjarët e saj, por edhe opinioni, pasi nuk është e martuar.
Burime pranë këtij komisariati bëjnë me dije se fillimisht e ka mohuar që të jetë ajo nëna e fëmijës, teksa efektivët kanë shoqëruar në komisariat edhe nënën e 30-vjeçares, e cila gjithashtu ka mohuar të ketë qenë në dijeni të ngjarjes.
Verifikimi i telefonave celularë të nënë e bijë më pas ka vërtetuar dyshimet e efektivëve.
30-vjeçarja rezulton që është e pamartuar dhe nuk ka fëmijë të tjerë.
Grupi hetimor ka pasur dyshime se 30-vjeçarja e ka lindur foshnjën e vetme në garazhin e pallatit ku dhe më pas e ka braktisur dhe është kthyer në banesë, çka është konfirmuar nga vetë vajza.
30-vjeçarja nuk ka folur fare për babanë e fëmijës, thjesht ka kërkuar të mos identifikohet dhe më pas është transportuar për në spital.
Ndërkohë foshnja e vogël ndodhet aktualisht në spital, ku raportohet në gjendje të rënduar shëndetësore dhe është futur në intibum.
