Kreu i grupit parlamentar të PD-së, Gazment Bardhi ka qenë i ftuar në Syri tv, për të komentuar zhvillimet e fundit politike në vend.
Bardhi është shprehur se ligji për rritjen e pagave të gjyqtarëve të Gjykatës Kushtetuese do e votojë Lulzim Basha, por jo i gjithë grupi deputetëve të tij. Sipas Bardhit, janë të paktën 4 deputetë të Bashës që do të votojnë kundër, pasi sipas tij, kjo është kapja de-fakto e Gjykatës Kushtetuese nga ana e kruyeministrit Edi Rama.
Vlen të theksohet fakti se për atë ligj duhen të paktën 84 vota, të cilat mazhoranca nuk i ka e vetme, dhe i duhen edhe votat e grupit të Lulzim Bashës.
“Disa prej deputeteve kanë hequr dorë nga misioni i tyre si opozitar dhe një pjesë tjetër e kolegëve që nuk na janë bashkuar ne por janë pjesë e grupit të Bashës janë opozitare. Ata besojnë një gjë të ndryshme nga unë dhe prandaj janë pjesë e atij grupimi por jam i bindur që në të ardhmen do të na bashkohen.
Ligji për Gjykatën Kushtetuese do të votohet nga Basha, por të garantoj që të paktën tre ose katër koleg që janë pjesë e atij grupimi nuk do të votojnë ndryshime, pasi sipas tyre ata theksojnë që kjo është kapja de-fakto e Gjykatës Kushtetuese.
Kjo tregon që fakti është nxjerrë nga axhenda e ndryshimit të ligjit të Gjykatës Kushtetuese vjen si pasojë e mos arritjes së 84 votave nga Rama-Balla-Basha. Këta kolegë kur konstatojnë që një veprim i caktuar i Bashës dëmtohet opozita dhe fuqizohet Rama kam bindjen se ata nuk bëhen palë dhe votojnë ata që dëshiron Basha-Rama.” – u shpreh Bardhi.
