Kryeministri Edi Rama do të mungojë sërish edhe në seancën e nesërme parlamentare, si dhe në prezantimin e Raportit të Komisionit Europian për Shqipërinë 2023.
Ai nuk do jetë i pranishëm për shkak se do të jetë nesër në Francë ku do të marrë pjesë në Forumin e Paqes që do të organizohet në kryeqytetin francez, Paris.
Po ashtu, drejt Francës, me ftesë të presidentit Emmanuel Macron do të udhëtojë edhe kryeministri i Kosovës, Albin Kurti.
Të enjten në mbrëmje Kryeministri Kurti do të jetë pjesë e darkës me krerët e shteteve dhe qeverive pjesëmarrëse në këtë Forum.
