Era e ndryshimeve te Kukësi ka nisur para se të hapet merkatoja e dimrit.
Arbër Basha është largimi i parë nga radhët e Kukësit, lëvizje e cila vjen në kuadër të merkatos së janarit.
Lajmin e ka dhënë vetë mesfushori përmes një postimi në profilin e tij në rrjetet sociale.
Një larg disi misterioz, pasi nuk jepen shumë sqarime rreth këtij vendimi. ”Falënderoj Fk Kukësi për bashkpunimin!
Falënderoj edhe tifozat kuksianë dhe ju uroj shumë suksese”.
Ky është mesazhi i lamtumirës i Arbër Bashës te verilindorët. 25-vjeçari ka qenë disi i pafat te Kukësi, për vetë problemtikën e dëmtimeve që ka kaluar.
Në këtë sezon Basha ka luajtur 451 minuta për verilindorët në Superiore, ku ka qenë prezent në 9 takime.
View this post on Instagram
