Kryeministri dhe ministri i mbrojtjes i Izraelit konfirmuan në të njëjtën ditë se forcat e armatosura të vendit kanë hyrë në Gaza qendrore dhe tani kanë filluar operacionet brenda strukturës urbane.
Në 30 ditët që kur Hamasi pushtoi Izraelin dhe pas një fushate të gjerë ajrore, IDF arriti objektivin. Udhëheqja izraelite vlerëson – dhe deklaron – se lideri i Hamasit në Rripin e Gazës, Yahya Sinwar, ” është i fshehur në strehën e tij , pa mbajtur kontakte me bashkëpunëtorët e tij”.
Në këtë kontekst, Izraeli flet vetëm për shfarosjen fizike të liderit të Hamasit .
Ndërkohë IDF vazhdon fushatën e saj të gjatë të likuidimit. Hyrja e 100 tuneleve ku ruhen armët janë shkatërruar dhe 4000 armë janë sekuestruar, duke përfshirë raketa të fshehura në ndërtesa civile si shkolla. Në një rast tjetër, IDF kishte parë persona të armatosur të fshehur brenda një xhamie.
Më herët, Benjamin Netanyahu , në një fjalim televiziv të martën, përsëriti se nuk do të ketë armëpushim dhe as karburant nuk do të dërgohet në Gaza, derisa të lirohen pengjet izraelitë nga Hamasi. Ai përsëriti gjithashtu thirrjen e tij për civilët palestinezë që të lëvizin në jug për sigurinë e tyre.
Forcat e armatosura kanë rrethuar qytetin e Gazës dhe po kryejnë operacione brenda strukturës urbane, tha Netanyahu dhe ai përsëri paralajmëroi Hezbollahun se do të “kryente gabimin e jetës së tij” nëse do të hynte në luftë me Izraelin.
Në të njëjtën gjatësi vale ishin edhe deklaratat e ministrit të Mbrojtjes, Yoav Galand, i cili theksoi se ushtarët izraelitë kanë avancuar në qendër të Gazës dhe po shtrëngojnë vazhdimisht kordonin rreth udhëheqjes së Hamasit. I izoluar në strehën e tij është lideri i Hamasit, Yahya Sinwar, shtoi ministri, duke shpjeguar se shfarosja e tij është çështje kohe.
Në fakt, ai hodhi poshtë mundësinë e një armëpushimi të përkohshëm përpara lirimit të rreth 240 pengjeve në Rripin e Gazës, të cilin ai e përshkroi si “baza më e madhe terroriste e njohur ndonjëherë për njerëzimin”.
