Edukatorja, Majlinda Dhima, në kopshtin ‘Stinët’ në Tiranë, është shoqëruar në polici pasi ka dhunuar dhe dyshohet se i ka thyer këmbën një vajze të mitur 3-vjeçare.
Ngjarja ka ndodhur gjashtë ditë më parë, dhe u publikua nga emisioni “Stop”, në videon e së cilit shfaqet mësuesja duke dhunuar vajzën e vogël me vizore dhe me shpulla.
Prindërit e fëmijës kanë rrëfyer se u njoftuan për episodin e rëndë nga një telefonatë nga kopshti, ku ju është se vajzën e kishte pickuar diçka dhe këmba i ishte fryrë. Duke parë gjendjen e vajzës, prindërit e kanë dërguar në spitalin e Traumës, ku nga grafia rezultoi me thyerje në pjesën e kofshës. Materialet i janë dorëzuar prokurorisë së Tiranës, për veprime të mëtejshme.
Ndërkohë pak më herët MAS ka urdhëruar edhe mbylljen e institucionit duke sqaruar se kopshti ishte pa licencë.
