Deputeti i Partisë Demokratike, Bledion Nallbati është paraqitur në SPAK këtë të hënë.
Arsyeja e thirrjes lidhet me kallëzimin nga grupi i deputetëve socialistë për goditjen ndaj deputetit të PS,Vullnet Sinaj. Nallbati akuzohet për kryerjen e veprës penale “Goditje për shkak të detyrës”.
Episodi lidhet me seancën parlamentare të 30 tetorit, kur ndodhi një përplasje fizike mes deputetëve Nallbati dhe Sinaj.
Pasi socialistët kallëzuan në SPAK deputetin e PD, të njëjtën gjë bënë dhe demokratët duke depozituar në prokurori kallëzim për ligjvënësin e PS. Në bazë të këtij kallëzimi, Vullnet Sinaj u paraqit në SPAK pasditen e të premtes së shkuar.
