Drejtori i Muzeut Kombëtar Hungarez, László Simon, është shkarkuar pasi dyshohet se ka lejuar të miturit të shikojnë përmbajtje LGBT, raporton BBC.
Simon u pushua nga puna sepse në Hungari ligji ndalon “përshkrimin dhe promovimin e homoseksualitetit” në materiale të aksesueshme për fëmijët, si libra dhe filma, shtoi shërbimi publik britanik.
Muzeu priti ekspozitën World Press Photo, e cila paraqiste personat LGBT nga Filipinet.
Qeveria tha se Simon “nuk ndoqi ligjin” duke lejuar një ekspozitë të tillë, të cilën ai e mohoi. Simone këmbënguli se muzeu “nuk ka shkelur me dashje asnjë ligj” dhe se ka respektuar urdhrin që ndalon hyrjen për personat nën 18 vjeç.
“Si baba dhe gjysh i katër nipërve dhe mbesave, unë e kundërshtoj me vendosmëri idenë se fëmijët tanë duhet të mbrohen nga unë ose nga institucioni që unë drejtoj”, tha Simon.
