Detaje të reja kanë dal në lidhje me ekzekutimin e shqiptarit 34-vjeçar shqiptar Klaudio Myrtaj, i cili u vra me një plumb me silenciator në zdrukthtarinë ku punonte.
Nga hetimet rezulton se shqiptari dyshohet se ruhej nga autori i ngjarjes dhe është pritur deri sa viktima të qëndroj vetëm dhe e godet në kokë.
Ishte vetë pronari i zdrukthtarisë ai që njoftoi policinë për ngjarjen pasi kur u kthye e gjeti të riun shqiptar të gjakosur. Deri më tani janë marrë dëshmitë e të gjithë personave me të cilët bashkëpunonte shqiptari si dhe të dashurës së tij.
Puna në zdrukthtari ishte puna e dytë për shqiptarin me origjinë nga Vlora që jetonte në Itali prej dy vitesh. Ai rezultonte të ishte i regjistruar edhe në një kantier për ndërtimin e rrugëve.
