Interi mori 3 pikë të arta në Gewiss Stadium (Bergamo), pasi mundën 1-2 Atalantën.
Pjesa e parë u dominua nga bergamasakët, por këta të fundit nuk kishin shënjestrën e duhur për të ndëshkuar Sommer.
Në fundin e pjesës së parë, Darmian tregohet mjaft i zgjuar, duke i vjedhur “kohën” portierit Musso, me arbitrin që vendos për penallti në favor të skuadrës nga Milano.
Pavarësisht protestave, gjyqtari Sozza e konsideroi të palejueshme ndërhyerjen e “gardianit” ndaj mbrojtësit italian. Nga pika e bardhë u nis Calhanoglu, turku u tregua i saktë.
Në fillimin e pjesës së dytë Lautaro dyfishoi shifrat me një goditje të bukur, por djemtë e Gasperinit u kundërpërgjigjën menjëherë me të zakonshmin Scamacca.
Lookman i shkoi afër barazimit, vetëm kaq, Sommer me pritjen e tij i mohoi golin.
Sa i takon lojtarëve shqiptarë, Gjimshiti ishte titullar, ndërsa Asllani u aktivizua 5 minutat e fundit.
