Klasikja e Gjermanisë i takon Bayern Munchen. Kampionët e Gjermanisë mundën 0-4 Borussia Dortmund në “Signal Iduna Park”, në ndeshjen e kampionatit.
Ekipi i Tomas Tuchel vendosi diktatin që në fillimin e ndeshjes, duke mos i lënë kundërshtarit asnjë mundësi për të dalë me pikë nga kjo ndeshje.
Upamecano dhe Kane realizuan që në minutat e para, për ta patur më pas të thjeshtë për menaxhimin e rezultatit.
Verdhezinjtë dështuan të shënojnë një gol në këtë takim, pavarësisht përpjekjeve. Në pjesën e dytë, Kane kompletoi tripletën, duke “tundur rrjetën” edhe dy herë të tjera.
Me këtë rezultat, ekipi i Terzic është në vendin e katërt me 21 pikë, ndërsa Bayern është në ndjekje të Leverkusenit kryuesues me 2 pikë më pak.
