Efektivë të Policisë së Tiranës janë futur në Kuvend menjëherë pas përfundimit të seancës plenare, për të hetuar mbi dy tymueset e ndezura nga deputeti Ervin Salianji në shenjë proteste.
Mësohet se ka shkuar vetë Drejtori i Policisë së Tiranës, Tonin Vocaj i shoqëruar me një grup policësh, për të kqyrur vendin e ngjarjes dhe për të mbledhur tymueset e djegura si prova. Ata kanë hyrë nga dera e pasme e Kuvendit.
Ende nuk dihet nëse policia do të ngrejë ndonjë akuzë për deputetët e opozitës.
