Kosova dhe Serbia kanë hyrë në një fazë të re të procesit të dialogut pas ngjarjeve të 24 shtatorit në Veri të Kosovës, ku pas takimet me ndërkombëtarët, dy liderët Kurti dhe Vuçiç janë shprehur të gatshëm për të firmosur marrëveshjet, teksa janë ftuar dhe në Bruksel për takime të ndara me liderët më me ndikim të BE-së.
Por, në këtë nisje të re të dialogut Kosovë-Serbi, nuk kishte se si mos të ndodhte ndryshe, ku mos i jepte merita vetes edhe kryeministri Edi Rama, ose i njohur ndryshe si “lider botëror”, duke e ironizuar për mënyrën e sjelljes së tij në konfliktet ndërkombëtare.
Në një postim në rrjetet sociale, Rama thekson se është krenar për kontributin që Shqipëria ka dhënë në këtë proces të vështirë.
“Nuk mund të jem më krenar për kontributin e vendosur dhe konkret të Shqipërisë në procesin e vështirë të normalizimit të marrëdhënieve ndërmjet Kosovës dhe Serbisë. Megjithatë, draft-statuti i ASMM-së i pranuar nga Kosova dhe Serbia si dokument i përshtatshëm pune është draft i BE-së. Shqipëria do të mbështesë fuqishëm Kosovën në zbatimin e Marrëveshjes Themelore dhe do të vazhdojë të luajë rolin e saj në promovimin e paqes, stabilitetit dhe bashkëpunimit rajonal ndërmjet të gjitha vendeve të fqinjësisë sonë. Së shpejti do të shkoj në Prishtinë për të treguar personalisht mbështetjen time”, shkruan Rama.
