Deputetja demokrate Albana Vokshi ka reaguar pas një postimi në rrjetet sociale të ligjvënëses socialiste Elisa Spiropali, e cila sulmoi opozitën pas tensioneve të sotme në komisionet parlamentare.
Spiropali tha se “sot, në shkelje të plotë të çdo ligji, rregulli dhe kodi, duke nëpërkëmbur detyrën dhe përdhosur misionin kushtetues, disa deputetë të opozitës, kanë dhunuar institucionet e Kuvendit duke dashur të pengojnë prezantimin e Buxhetit 2024 në Konferencën e Kryetarëve dhe në Komisione Parlamentare”.
Në përgjigje, Vokshi e quan Spiroaplin – drejtuesja politike e PS në Shkodër – seksere të Bajrave.
“Sekserja e Bajrave, një prej bandave me të rrezikshme, flet per institucione, kushtetutë dhe demokraci! Historia na ka mësuar se në një vend ku nuk ka liri dhe ku opozitës nuk i njihen të drejtat kushtetuese, nuk mund të ketë as mirëqenie për njerëzit”, shprehet Vokshi në një reagim në rrjetet sociale.
“Elisa Spiropali me shefin e vet le të vazhdojnë me Bajrat dhe Pëllumb Gjokën! Ne do të vazhdojmë betejën tonë, si garancia e vetme se në Shqipëri ka shpresë”, shton ajo.
