Një aksident me vdekje ka ndodhur paraditen e kësaj të martë në aksin rrugor Korçë-Bilisht.
Një automjet në lëvizje e sipër, ka përplasur për vdekje një 14-vjeçare.
“Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën.”- njofton policia.
Më drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
