Prej javësh është kthyer në çështjen më të nxehtë të futbollit shqiptar. Orges Shehi është ende kryefjalë pas largimit të tij nga Tirana.
Klubi bardheblu e zbriti nga pankina e trajnerit teksa deklaroi se e kanë pezulluar, por do të jetë ende i lidhur kontraktualisht, një lëvizje për të mbajtur larg rivalët e Partizanit. Mirëpo, nga ana tjetër trajneri pretendon se është shkarkuar, madje e ka dërguar në gjyq klubin për mospërmbushje të detyrimeve financiare.
Partizani është ende ‘sy e veshë’ mbi këtë situatë dhe gazetari Ylli Aga ka zbuluar në Supersport se Orges Shehi është në ‘Pole-Position’ për të marrë stolin e të kuqve.
“Abilaliaj si trajner i Partizanit? Tri ndeshje, tri fitore, të trija në kohën shtesë. Bashkohen në kreun e renditjes duke përfituar nga ndalesa e Egnatias. Ka entuziazëm, periudhë pozitive te Partizani. Partizani pret për një trajner të ri. Në ‘pole position’ është Orges Shehi.
Kroati Prosinecki? Nuk është më në preferencat e drejtuesve të Partizanit”, deklaroi komentatori i njohur.
