Eksperti i sigurisë, Ilir Kulla ka komentuar luftën Izrael- Hamas dhe reagimet e ndërkombëtarëve.
Në një intervistë për Euronews Albania, ai theksoi se të gjitha vendet që po përkrahin Hamas janë aleate të SHBA dhe të BE-së. Mes këtyre vendeve ai përmedi, Katarin, Arabinë Saudite, Egjiptin, Jordaninë, Pakistanin dhe Irakun.
“Të gjitha vendet që janë përkrahëse të Hamas, janë njëherësh aleatë të SHBA dhe BE. Katari, që SHBA ka thënë se ka aleatin më të mirë, Arabia Saudite, Egjipti, Jordania, Pakistani, Iraku. Iraku ishte vendi i parë që përkrahu Hamas për sulmin që bëri me datë 7. Nga njëra anë kemi SHBA dhe BE që është rreshtuar hapur pro Izraelit, por nga ana tjetër kemi sanksionet e Evropës ndaj Rusisë të cilat e kanë çuar gjithë Evropën të kërkoj gaz te këto vendet tjera” – tha ai.
