Kategoria Superiore, do të rikthehet ditën e martë, ku janë planifikuar të zhvillohen 2 sfidat e vlefshme për javën e 11-të, ndërkohë që kjo javë do të mbyllet të mërkurën me 3 duele interesante.
Siparin do e ngrejë dueli mes Egnatias dhe Kukësit që do të zhvillohet në orën 14:00 në Rrogozhinë, ndërkohë në orën 17:00, në “Elbasan Arena”, Dinamo e Mehmetit do të masë forcën me Skënderbeun e Gvozdenoviç.
Të mërkurën në orën 14:00 do të zhvillohen paralelisht dy takime. Laçi dhe Partizani pritet të jetë një duel tepër i luftuar, teksa në të njëjtën orë, Tirana do të kërkojë të lerë pas momentin e vështirë, ndaj Teutës së Edi Martinit.
Java e 11-të do të mbyllet me përballjen Vllaznia-Erzeni, që do të luhet në Shkodër në orën 17:00.
AXHENDA JAVA E 11-TË:
E MARTË 31 TETOR:
Egnatia-Kukësi ora 14:00 (“Demrozi Stadium”)
Dinamo-Skënderbeu ora 17:00 (“Elbasan Arena”)
E MËRKURË 1 NËNTOR:
Laçi-Partizani ora 14:00 (“Laçi Stadium”)
Tirana-Teuta ora 14:00 (“Selman Stërmasi”)
Vllaznia-Erzeni ora 17:00 (“Loro Boriçi”)
