Policia në Dibër ka arrestuar ditën e sotme një 47-vjeçar, pasi është kapur duke drejtuar mjetin në gjendje të dehur.
Në pranga ka rënë shtetasi me iniciale Q.Gj.
Po ashtu, njoftohet se është arrestuar edhe një 27-vjeçar.
I riu me inicialet A.L., u kap duke transportuar me një automjet tip fugon, lëndë drusore të cilën e kishte prerë në mënyrë të paligjshme.
Blutë bëjnë me dije se materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
