Drejtoresha e Përgjithshme e Autoritetit Kombëtar të Ushqimit, Jeta Deda ka konfirmuar ditën e sotme dorëheqjen nga posti.
Përmes një postimi në rrjete sociale, Deda shkruan se është tërhequr nga detyra për të ndjekur një orientim tjetër profesional.
“Prej sot mbyll një kapitull të bukur të jetës time profesionale, duke u tërhequr nga detyra si Drejtore e Përgjithshme e Autoritetit Kombëtar të Ushqimit dhe duke ndjekur një orientim tjetër profesional. Teksa bëhem gati për angazhime të reja, e shikoj kohën si Drejtore e Përgjithshme e AKU-së me mirënjohje të thellë për përvojën e marrë, dijet e përftuara dhe marrëdhëniet e mira të ngritura”,-shkruan Deda ndër të tjera në fb.
