Deputeti i PD-së Edi Paloka ka reaguar pas vendimit të GJKKO për të caktuar Valentina Teodoreskun si avokate kryesisht për Sali Berishën në procesin “Partizani”. Dy avokatët e caktuar nga ish-kryeministri braktisën seancën ditën e djeshme pasi nuk u miratuan kërkesat e tyre. Gjykata caktoi një tjetër, por më pas ai doli i papërshtatshëm.
Më pas dy avokate të tjera u caktuan nga GJKKO, por këta refuzuan të bëjnë mbrojtjen. Gjatë ditës së sotme Gjykata caktoi Teodoreskun. Por disa postime të saj në rrjetet sociale kanë ngjallur mjaft reagime në kampin opozitar.
Në një postim të 2022 ajo kishte ndarë një foto të kryeministrit Rama, për të cilën deputeti Noka reagoi duke thënë se kjo është drejtësia e re politike.
Ndërsa tashmë Paloka ka gjetur një pjesë të profilit të saj në Facebook, ku ajo thotë se kam qenë hetuese. Paloka shkruan se kjo është tipike një ish-hetuese e komunizmit, analfabete. nga ato që morën popullin në qafë gjatë diktaturës.
Postimi i Palokës në Facebook:
Tipike !
Patronazhiste! Enveriste! Ish-hetuese e komunizmit ! Analfabete !
Keta qe moren ne qafe nje popull gjate diktatures , jane drejtesia e reformuar e Rames!
Ish-hetues i diktatures prokurori i Berishes. Ish-hetuese e diktatures dhe “avokatja” e Berishes!
