Një rast i paprecedentë u raportua mëngjesin e kësaj të mërkure, në gjimnazin “Hydajet Lezha”. Një nxënës 16-vjeçar goditi me karrige mësuesen, duke i shkaktuar fraktura të rënda, e duke përfunduar në spital.
Pas ngjarjes raportohet se i riu është arrestuar nga policia, dhe është shoqëruar në komisariat, për veprime të mëtejshme proceduriale.
“16 vjeçari është shoqëruar në praninë e psikologut, prindit dhe mbrojtësit ligjor. Ai akuzohet për veprat Plagosja e rëndë me dashje” dhe “Goditjet për shkak të detyrës”,- njofton Policia.
Goditja ka ardhur pas një debati të ashpër, ku sic raportojnë nxënësit dëshmitarë në ngjarje, mësuesja i ka përmendur 16-vjeçarit babanë që i kishte ndërruar jetë.
