Aksi rrugor Maliq-Pogradec, është ‘pushtuar’ këtë të Martë nga mjegulla e dendur, e cila ka shkaktuar vështirësi në qarkullimin e mjeteve.
Raportohet se më e dendur mjegulla ka qenë një pjesën e aksit nga Drithasi në Petrushë, ku për pasojë lëvizja e mjeteve ka qenë edhe më e vështirë.
Policia rrugore ka qenë e vendosur në disa pjesë të aksit, duke u kërkuar drejtuesve të mjeteve reduktimin e shpejtësisë për të shmangur aksidentet në këtë situatë ku shikimi i rrugës është i kufizuar.
