Klubi i Tiranës ndodhet në një krizë të thellë rezultatesh teksa disfata në derbi është shoqëruar me një tjetër humbje kësaj radhe përballë Egnatias në “Selman Stërmasi”.
Bardheblutë, renditen në vendin e katërt, por kanë më pranë Teutën e vendit të 8 me 11 pikë, sesa Partizanin e vendit të dytë që ka 17 të tilla.
Pas situatës në të cilën ndodhet klubi, duket se drejtuesit kanë pritur një reagim të ashpër të tifozëve dhe për këtë kanë zgjedhur t’i censurojnë në rrjetet sociale duke u hequr mundësinë e fjalës në faqen zyrtare.
Kjo gjë nuk është anashkaluar nga ultrasit e klubit, teksa “Tirona Fanatics” kanë reaguar ashpër duke i shpallur “luftë” klubit për paaftësinë e treguar në fazën e parë të sezonit.
“Nderkohe qe klubi zhytet serish ne nje paaftesi per tu pasur zili dhe nga klubet e kategorise se 3te gjen kohen te censuroje dhe te bllokoje komentet ne faqet e tij ne rrjetet sociale! – thuhet ndër të tjera në reagimin e tifogrupit.
Postimi i plotë:
