Një 39-vjeçar nga Peja është arrestuar ditën e sotme nga policia në pikën doganore të Morinës për trafikim të lëndëve narkotike. Gjatë kontrollit fizik nga policia kufitare, 39-vjeçarit me inicialet I.B i është gjetur një sasi e lëndës narkotike e cila është marrë për sekuestrim në cilësinë e provës.
“Specialistët për Hetimin e Trafiqeve dhe Narkotikëve të DVP Kukës arrestuan në flagrancë shtetasin I. B., 39 vjeç, banues në Pejë, Kosovë, për veprën penale “Trafikimi i narkotikëve”, pasi gjatë kontrollit fizik të ushtruar në vijë të dytë, në PKK Morinë, iu gjet një sasi lënde e dyshuar narkotike kanabis, e cila u sekuestrua në cilësinë e provës materiale”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.”
