Autoritetet në Angli kanë dënuar me burg një 20-vjeçar shqiptar, pasi është kapur me kanabis në banesë.
Mediat e huaja shkruajnë se bëhet fjalë për shtetasin Artenis Shehu, të cilit i janë gjetur në banesë 30 bimë kanabisi.
Prokurori anglez pretendoi në gjykatë se droga mund të kapte vlerën e 225,000 paund.
Shehu e pranoi krimin dhe tha se kishte vendosur të siguronte të ardhura për të ndihmuar babain e tij në Shqipëri, i cili do të kryente një operacion.
Megjithatë gjykata vendosi ta dënojë me 12 muaj burg.
