Njësia “FAST Albania” në bashkëpunim me Policinë e Shkodrës kanë arrestuar një person të shpallur në kërkim ndërkombëtar, i kërkuar nga drejtësia italiane.
Në kuadër të operacionit policor të koduar “Part of” është vënë në praga shtetasi Fatlum Murçaj, 32 vjeç, i cili është kapur në lagjen “Ndoc Mazi” të Shkodrës dhe u arrestua provizorisht, me qëllim ekstradimin.
Policia raporton se 32-vjeçari ishte shpallur në kërkim ndërkombëtar, pasi Gjykata e Milanos i kishte caktuar masën e sigurisë “Arrest në burg”, për veprën penale ”Organizata kriminale me qëllim trafikimin e drogës”, sipas Kodit Penal të Italisë, ku parashikohet dënim deri në 20 vjet burgim për këtë vepër.
Interpol Tirana vijon të bashkëpunojë me partnerët italianë, për ekstradimin e Fatlum Murçajt.
