Erling Haaland është futbollisti më i vlefshëm në botë. Faqja e specializuar e të dhënave Football Benchmark e vlerëson 196 milion euro sulmuesin norvegjez, i cili ruan vendin e parë në këtë klasifkim të veçantë.
Futbollisti i Manchester City ndiqet nga Kylian Mbappe i Paris Saint Germian me thuajse 168 milionë Euro, ndërsa më pas janë dy lojtarë të Real Madrid, Vinicius Junior, rreth 164 milionë dhe Jude Bellingham afërsisht 154 milionë.
Mes 10 të parëve janë edhe futbollistë nga Bayren Munchen, Arsenal, Barcelona e Napoli. Përllogaritja e vlerës së lojtarëve bëhet duke parë moshën, kontratën dhe natyrisht paraqitjen me klubin.
Skuadra më e vlefshme është Manchester City me mbi 1.4 miliardë Euro. Më pas, vijnë Arsenal dhe Real Madrid. Në top dhjetëshe ku ndodhen 6 klube nga Premier League vetëm Tottenham vlen më pak se 1 miliardë Euro. Football Benchmark analizon të dhënat e 23 ligave nëpër botë.
