Sekretariati i Komisionit të Etikës në Kuvend ka përjashtuar me 10 ditë nga aktivitetet e Kuvendit 26 deputetë të Partisë Demokratike, pas kërkesës së Partisë Socialiste për shkak se bllokuan nisjen e seancën së sotme plenare.
Më konkretisht, Komisioni i Etikës ka marrë masa disiplinore ndaj: Sali Berishës, Flamur Nokës, Albana Vokshit, Xhelal Mziut, Gazment Bardhit Bledion Nallbatit, Edmond Spahos, Saimir Korreshit, Lindita Metaliaj, Ramadan Likajt, Luan Baçit, Lefter Gështenjës, Ina Zhupës, helidon Bushatit, Isuf Çelës, Asllan Dogjanit, Bujar Leskajt, Ludovik Hasanit, Tritan Shehut, Greta Bardelit, Dhurata Çupit, Sorina Kotit, Kastriot Pirolit, Kasëm Mahmutajt, Tomor Alizotit dhe Qani Xhafajt.
Në kërkesën që Grupi Parlamentar i PS i bëri kryetares së Kuvendit Lindita Nikolla thuhet se deputetët e opozitës bllokuan hyrjen e deputetëve socialist në Kuvend dhe hoqën kartat e tyre nga pajisjet elektronike të votimit duke bllokuar më pas vendet e zyrtarëve. Sipas tyre, në këto kushte zhvillimi i seancës plenare ku ishte parashikuar që të votoheshin projektvendime u bë pa mundur.
