Konfrontimet e armatosura shpërthyen sërish sot në kufirin e Izraelit me Libanin.
Ushtria izraelite raportoi se predha tankesh u qëlluan në disa lokacione në territorin izraelit. Ushtarët izraelitë iu përgjigjën zjarrit.
“Ushtria izraelite u hakmor duke bombarduar një grup fshatrash në Libanin jugor”, tha një burim libanez i sigurisë.
“Ushtria po sulmon objektivat e milicisë shiite libaneze Hezbollah”, thuhet në deklaratën izraelite. Hezbollahu raportoi pesë të vdekur mes luftëtarëve të saj.
Hezbollahu në një deklaratë tha se kishte shënjestruar postet izraelite në Jal Al-Alam, kazermat Zarit dhe vendndodhjen Al-Bahri që ndodhet përballë Ras Al-Naqoura, me raketa të drejtuara dhe armë të përshtatshme.
Që nga sulmet terroriste ndaj Izraelit nga organizata islamike palestineze Hamas më 7 tetor dhe kundërsulmet e ushtrisë izraelite në Rripin e Gazës, ditët e fundit ka pasur incidente të rregullta në kufirin mes Izraelit dhe Libanit, duke rritur shqetësimet për një përshkallëzim të mëtejshëm të situatës.
