Deputeti demokrat, Edi Paloka, ka komentuar fjalimin e kryeministrit Rama, i cili u shpreh se samiti i sotëm në Tiranë ishte historik.
Përmes një postimi në rrjete sociale, Paloka shkruan se dita e sotme nuk kishte asgjë historike, teksa i drejtohet me ironi Ramës, se në histori do të hyjë si tradhtar i interesave të shqiptarëve.
Reagimi:
“E ka me merak të madh të bëjë diçka “historike” dhe ky!
Se çfarë kishte “historike” tek kjo mbledhja e sotme, këtë mund ta kuptojë vetëm një mendje “gjeniale” si e liderit global!!!
Historike është përmbysja e komunizmit.
Historike është anëtarësimi i Shqipërisë në NATO.
Historike është liberalizimi i vizave.
Historike do jetë dita e anëtarësimit në BE…
Po kjo e sotmja çfarë kishte historike, apo që ishte ditë me diell?!
Po ti Edvin mos e mbaj atë merak se do hysh në histori. Do hysh si këlysh i Serbisë e tradhtar i interesave të shqiptarëve,” shkruan Paloka.
