Një ngjarje e rëndë u raportua këtë të hënë në Lezhë, ku dy hajdutë grabitën nën kërcënimin e armës banesën e Nikoll Bujës. Ky i fundit ka qënë në banesë në momentin kur kanë hyrë hajdutët dhe ka bërë rezistencë duke u përleshur me ta, e si pasojë ka marrë plagë në kokë.
Ndërkohë fqinjët e famijes Buja, teksa tregojnë detaje mbi ngjarjen, shprehen se kanë dëgjuar edhe të shtëna me armë dhe janë frikësuar.
“Me dalë jashtë kishim frikë. Shtëpia ime është pak më andej, kam dalë në dritare kam dëgjuar duke u dridhur. Krisi arma. Unë mendova se i ka zënë shtëpia. E pashë dhe më tha që kam shpëtuar. Më tha që i kapa grykën e armës dhe e ngrita lart. Pastaj njëri më kapi me grushta nga turnjtë. E ka fytyrën zi. Jam shumë e frikësuar sepse ai që nuk dëshiron të punojë për një 10 mijë lekësh të merr shpirtin”, shprehet fqinja.
