Erling Haaland është i inatosur. I inatosur sepse nuk gjeti përsëri golin me kombëtaren dhe i inatosur se pa se si Norvegjia e tij u mund nga Spanja dhe i ka dhënë lamtumirën Euro 2024, të paktën sa i përket kualifikimit nga grupi.
Edhe shanset për të marrë pjesë në play-off janë shumë të vogla e kështu, sulmuesi norvegjez do të mbetet jashtë një aktiviteti ku kishte dëshirë të tregonte talentin e tij, përtej asaj që tregon vazhdimisht me Mançester Sitin me të cilin ka fituar gjithçka.
Tani lojtari synon trofe të rëndësishëm individual dhe e di mirë se pa paraqitje mbresëlënëse me përfaqësuesen, do të jetë gjithmonë një hap pas të tjerëve.
Që ai është i pakënaqur me eliminimin e radhës, kjo u kuptua qartësisht mbrëmë, pasi në fund të ndeshjes, nuk u ndal të fliste me gazetarët, me të cilët zakonisht është treguar miqësor.
Ai praktikisht u “arratis” para syve të tyre duke shpejtuar që të dilte jashtë, për të evituar çdo lloj pyetje, në një skenë të pazakontë për sulmuesin nordik.
https://twitter.com/i/status/1713934800917033320
