Një automjet tip “Mercedez Benz” është përfshirë nga flakët në orët e para të mëngjesit të sotëm në Pogradec.
Automjeti është në pronësi të një punonjësi policie pranë Sektorit të Policisë Rrugore të DVP Korçë. Paraprakisht dyshohet se zjarri mund të ketë rënë si pasojë e një defekti në mjet.
“Në orët e para të mëngjesit të sotëm, në lagjen nr. 3, Pogradec, rruga “Reshit Çollaku”, ka rënë zjarr në automjetin tip “Mercedes-Benz”, në pronësi të shtetasit Th. H., (me detyrë punonjës policie pranë Sektorit të Policisë Rrugore të DVP Korçë).
Nga këqyrja paraprake, dyshohet se zjarri mund të ketë rënë për shkaqe aksidentale në pjesën e brendshme të motorit të automjetit, i cili është djegur pjesërisht”,- njofton Policia.
Grupi hetimor po punon për përcaktimin e shkaqeve të rënies së zjarrit.
