Një prej banorëve të Bërxullës, që doli në protestë kundër projektit ‘Thumanë-Kashar’, i ka rënë të fikët në mes të rrugës. Në vendngjarje nuk kishte asnjë ambulancë, kështu banori është nisur drejt spitalit nga një makinë policie.
Këtë herë banorët kanë marë në tubim edhe fëmijët, të cilët kanë bojkotuar shkollën. Banorët të tensionuar kanë bllokuar rrugën e Rinasit dhe kanë refuzuar të lëvizin, duke kundërshtuar policinë.