10 tetori është shpallur si Dita Botërore e Shëndetit Mendor. Kjo datë është e rëndësishme, veçanërisht për shoqëri ende të pa stabilizuara dhe që kanë dalë nga shoqëri të traumatizuara, siç janë vendet që kanë kaluar luftëra, apo konflikte.
Sociologia, Entela Binjaku, shprehet se shifrat e njerëzve me probleme mendore kanë ardhur duke u rritur. Kjo pasi shumë njerzi e lënë pas dore vlerësimin mjekësor.
E ftuar në Faxnews, ajo shprehet se nëse do të kishte ndërgjegjësim më të madh do kishim edhe statistika më të mira për sa i përket problemeve mendore dhe sociale.
Entela Binjaku: “Shifrat kanë ardhur në rritje. Duke marrë parasysh që kemi një pjesë qytetarësh që nuk i ndjekin këto çështje, nuk kërkojnë ekspertizë, nuk shkojnë të ndiqen nga vlerësimi mjekësor. Lënë pas dore situatën e tyre. Mendoj se nëse do të kishim një shoqëri me ndërgjegjësim të ndryshëm nga ky që kemi do të ishte më real, më i vërtetë, më i dukshëm. Do të kishim statitstika më të sakta. Sikundër në shumë sektorë të jetës sonë, nga pikëpamja e statistikave ne lëmë shumë për të dëshiruar edhe ky sektori është po njëlloj. “Janë të shumtë qytetarët që e pohojnë vetë se pasi kanë kaluar 1 ose 2 ose 3 herë Coronavirusin pohojnë se fillojnë të ndiejnë shqetësime që dukshëm iu prekin cilësinë e jetës, për çështje që lidhen me të kujtuarit. Të tjerë pohojnë që kanë mbetur si pasojë e Coronavirusit me një dhimbje koke. Shëndeti mendor në vetvete ky është, gjendja e mirëqënies që kemi ne si qënie njerëzore për të përballuar me këtë mirëqënie fizike mendore të përditshmen, stresin normal, të jemi produktiv dhe jemi jo vetëm për veten por edhe për komunitetin”, u shpreh sociologia.
Sipas sociologes një nga arsyet që sjell probleme të shëndetit mendor janë tepricat, në ushqime në substanca të ndryshme në alkool, dhe frika nga ndryshimi i rutinës së përditshme.
Entela Binjaku: “Një nga arsyet që prek shëndetin mendor janë ato që ne e quajmë tepricat. Tepricat janë në përdorim substance, tepricat në alkool, teprica në mënyar të ushqyeri, sheqerin. Këto faktorë që shkojnë në tepri e prekin shëndetin mendor sipas mjekëve. Së dyti është se njerëzit bien pre e rutinës së përditshme dhe mendojnë se një ndryshim i vogël kërkon kohë kërkon impenjim, kërkon para. Dhe kur shikojnë që këto nuk i kanë fillojnë dashje pa dashje bien po ashtu në një gjendje të trishtimit dhe më pas në një pakënaqësi nga e përgjithshmja që dashje pa dashje i zbret në mirëqënien e shëndetit mendor dhe i çon në depresion. Këto raste këshilla është bqë secili të bëjë një nndryshim të thjeshtë që nuk kërkon kohë të gjatë apo kosto të madhe dhe as ndonjë para. Të kenë besim te këto ndryshime”, përfundoi Entela Binjaku.
