Gjykata e Posaçme ka pranuar kërkesën e prokurorisë duke vendosur konfiskimin e disa pasurive të ish anëtarit të Gjykatës së Lartë Guxim Zenelaj.
Me një vendim të datës 6 Tetor, gjykata ka vendosur konfiskimin e shtatë pronave kryesisht në Ishull-Shëngjin, si dhe një ngastre toke me sipërfaqe 1000 m2 në Porto Palermo.
Guxim Zenelaj është në gjykim për deklarim të rremë të pasurive. Po ashtu, bazuar në ligjin “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, SPAK ka kërkuar konfiskimin e pasurive të të pandehurit Guxim Zenelaj. Kërkesë kjo që është miratuar nga gjykata.
Pronat e konfiskuara
- Pasuria me nr. 674, zk.1952, Tokë në Porto Palermo, Himarë- Vlorë, me sipërfaqe 1000 m²;
- Pasuri e ndodhur, në ZK.1987, me numër pasurie 3/670-B9, vol.29, faqe 163, bodrum me sipërfaqe 16 m2, në Ishull-Shëngjin Lezhë;
- Pasuri e ndodhur në ZK.1987, me numër pasurie 3/670-B10, vol.29, faqe 164, bodrum me sipërfaqe 15 m2, në Ishull-Shëngjin Lezhë;
- Pasuri e ndodhur në ZK.1987, me numër pasurie 3/670-N1, vol.29, faqe 186, njësi me sipërfaqe 218.06 m2, në Ishull-Shëngjin Lezhë;
- Pasuri e ndodhur në ZK.1987, me numër pasurie 3/670+1-10, vol.29, faqe 196, apartament me sipërfaqe 60.36 m2, në Ishull-Shëngjin Lezhë;
- Pasuri e ndodhur në ZK.1987, me numër pasurie 3/670+1-18, vol.29, faqe 204, apartament me sipërfaqe 67.35 m2, në Ishull-Shëngjin Lezhë;
- Pasuri e ndodhur në ZK.1987, me numër pasurie 3/670+1-55, vol.29, faqe 241, apartament me sipërfaqe 51.35 m2 në Ishull-Shëngjin Lezhë;
