Komisioni i Etikës, me votat e socialistëve, përjashtoi me 10 ditë nga punimet e Parlamentit 8 deputetë të Partisë Demokratike.
Kërkesa për përjashtimin e tyre erdhi nga PS që kërkoi marrjen e masave për deputetët e opozitës që një ditë më parë bllokuan votimin e projektligjeve në parlament.
Deputetë e përjashtuar janë Elda Hoti, Albana Vokshi, Bledion Nallbati, Zheni Gjergji, Lefter Gështenja, Asllan Dogiani, Luan Baçi dhe Gazmend Bardhi.
Në momentin e votimit, deputetët e mësipërm me në krye Gazment Bardhin bllokuan foltoren e Kuvendit, vendet e uljes së ministrave dhe foltoren e folësve.
Shkak për këtë ishte kërkesa e Gazment Bardhit për të votuar në rendin e ditës ndryshimet në përbërjen e komisionit të posacëm të reformës zgjedhore, gjë e cila nuk u pranua nda drejtuesja e seancës.
