Qëndresa Qytetare i ka dërguar një kërkesë ministres së Arsimit, Ogerta Manastirliu, ku i kërkon pezullimin nga detyra të rektorit të Universitetit të Mjekësisë Arben Gjata.
Kjo kërkesë vjen pas vendimit të Apelit të GJKKO-së, e cila la në fuqi masën “detyrim paraqitje” për Arben Gjatën, mbi të cilin rëndojnë akuzat për veprat penale “falsifikim dokumentesh” dhe “shpërdorim detyre” në lidhje me koncesionin abuziv të sterilizimit. Pezullimi i rektorit të UMT kërkohet deri në përfundimin e gjykimit të çështjes.
“Pezullimi i Rektorit, standard për garantimin e integritetit të institucionit”, thuhet në deklaratën e Qëndresës Qytetare. Më tej thuhet se QQ vlerëson se ky pezullim është i nevojshëm për të garantuar integritetin akademik të Universitetit të Mjekësisë Tiranë dhe integritetin e vendimmarrjes përgjatë kohës që Arben Gjata vijon të jetë në drejtimin e UMT-së.
QQ shprehet se pezullimi jo vetëm që është kopetencë Ministres së Arsimit e mbështetur në nenin 39, pika 10, të ligjit 80/2015 për arsimin e lartë por tashmë edhe një standard i vendosur nga Minsitrat e Arsimit, ku i thekson faktin se gjatë këtij viti u pezullua nga detyra rektorja e Unviersitetit të Shkodrës, për shkak të hetimit për korrupsion nga Prokuroria e Rrethit Shkodër.
Në gusht, SPAK lëshoi 8 urdhër arreste, përfshi këtu rektorin, ish ministra dhe drejtorë institucionesh. Kontrata për koncesionin e sterilizimit u firmos në vitin 2015 mes ish-ministrit të Shëndetësisë Ilir Beqja dhe kompanisë koncesionare Sani Service, ku janë aksionerë edhe Investital LLC dhe kompanitë italiane “Servizi Italia”, “Tecnosanimed” dhe “U.Jet S.r. 40% të aksioneve i zotëron Investital LLC e themeluar nga Ilir Rrapaj, për të cilin është caktuar masa e sigurisë “arrest me burg”.
Kontrata e Partneritetit Publik Privat për sterilizimin e instrumenteve kirurgjikale është në vitin e shtatë të operimit. Fillimisht kontrata u pezullua, për shkak të një ankese në Komisionin e Prokurorimit Publik, shqyrtimi i të cilit i dha të drejtë Ministrisë së Shëndetësisë ai autoritet prokurues. Nga hetimet e deritanishme të SPAK nuk dihet nëse dhe KPP po hetohet për mënyrën e shqyrtimit.
Hetimi për koncesionin e sterizlimit ka nisur në vitin 2019. Më 23 dhjetor 2019, vetëm pak ditë pasi SPAK hapi dyert, Nisma “Thurje” depozitoi aty kallëzimin e parë me anë të të cilit kërkoi hetimin e ish-zyrtarëve të lartë, pasi sipas tyre padrejtësisht një shërbim publik me kosto të ulët i ishte kaluar një kompanie private duke harxhuar më shumë para nga buxheti i shtetit.
Koncesionet në fushën e shëndetësisë i kanë kushtuar buxhetit të shtetit një dëm ekonomik prej 5,6 miliardë lekësh. Përmes Partneritetit Publik Privat, Ministria e Shëndetësisë ka kaluar 4 shërbime shëndetësore tek privatët.
KËRKESA E PLOTË:
Qendresa Qytetare: Gjykata le në fuqi masën detyrim paraqitje, Rektori Arben Gjata të pezullohet nga detyra
QQ kërkesë Minsitres së Arsimit: Pezullimi i Rektorit, standard për garantimin e integritetit të institucionit
Pas vendimit të Gjykatës së Posaçme të Apelit kundër Korrupsionit dhe Krimit të Organizuar e cila ditën e sotme, 04/10/2023 la në fuqi masën e sigurimit detyrim paraqitje për “falsifikim dokumentesh” dhe “shpërdorim detyre” për Rektorin e Universitetit të Mjekësisë Tiranë Arben Gjata, i akuzuar në dosjen e hetimit mbi koncesionin e sterilizimit, Qëndresa Qytetare i kërkoi Ministres së Arsimit, Ogerta Manastirliu pezullimin nga detyra të Rektorit të UMT deri në përfundimin e gjykimit të çështjes.
Rektori i UMT është pjesë e hetimit nga Struktuara e Posacme kundër Krimit të Organizuar SPAK, dhe si rezultat i këtij hetimi sot ndodhen në arrest me burg Ish-zvministri i Shëndetësisë Klodian Rrjepaj dhe biznesmeni që fitoi tenderin e sterilizimit me vlerë 100 milion euro Ilir Rrapaj, dy persona të tjerë në arrest shtëpie dhe 4 persona në detyrim paraqitje.
QQ vlerëson se ky pezullim është i nevojshëm për të garantuar integritetin akademik të Universitetit të Mjekësisë Tiranë dhe integritetin e vendimmarrjes përgjatë kohës që z.Gjata vijon të jetë në drejtimin e UMT-së.
Pezullimi nga detyra i titullarëve të institucioneve të arsimit të lartë deri në përfundimin e cështjeve në gjykatë, në rastet e hetimit për korrupsion dhe shpërdorim detyre, jo vetëm që është kopetencë Ministres sw Arsimit e mbështetur në nenin 39, pika 10, të ligjit 80/2015 për arsimin e lartë por tashmë edhe një standard i vendosur nga Minsitrat e Arsimit. Rasti më e fundit të Rektorit të Universitetit të Shkodrës, e cila është e pezulluar për shkak të hetimit për korrupsion nga Prokuroria e Rrethit Shkodër.
