Dy snajperistë rusë, të cilët akuzohen për përdhunimin e një nëne ukrainase nën kërcënimin e armës, para syve të bashkëshortit të saj do të përballen me drejtësinë. Njëri prej tyre akuzohet për sulmin seksual të një nëne dhe të dy vajzave të moshës 15 dhe 17-vjeçe, gjatë pushtimit rus në Ukrainë.
Sipas Dailymail, njëri nga përdhunuesit Yevgeny Chernoknizhniy, 27-vjeç besohet të jetë vrarë gjatë luftës, ndërsa Vladimir Putin nderoi familjen e tij me medaljen e “heroit”.
Ndërkaq Vadim Shakhmatov, 31-vjeç, është i gjallë dhe jeton në Rusi, ku është i martuar dhe ka një vajzë.
Ky i fundit akuzohet për sulm seksual ndaj vajzës katërvjeçare të gruas dhe të dyja ‘vajza të përdhunuara 15 dhe 17 vjeç’ gjatë pushtimit të Vladimir Putin .
Gruaja e tij Anastasia Shakhmatova, 28-vjeçe, ka refuzuar të japë ndonjë koment kur është telefonuar nga mediat lidhur me akuzat ndaj bashkëshortit të saj.
Ndërsa Rusia nuk pranon të ekstradojë ushtarin pavarësisht krimit të kryer, që do të thotë se drejtësia në Ukrainë zor se do të arrijë ta vendosë pas hekurave.
Dy ushtarët rusë kishin kryer përdhunimin në Brovary të rajonit të Kievit në mars të vitit të kaluar, një muaj pasi Putini filloi pushtimin e Ukrainës.
Në raportet e OKB-së për mizoritë dhe krimet e luftës të ushtarëve rusë në Ukrainë, përmendet edhe ky rast.
