Kategoria Superiore uli siparin e javës së 7-të ditën e sotme, një javë plot surpriza që ka lëkundur tabelën e renditjes.
Egnatia kryeson ende pavarësisht humbjes befasuese me Teutën.
Rrogozhinasit mbajnë vendin e parë me 13 pikë, 1 më shumë se Skënderbeu që korri një tjetër rezultat befasues ndaj kampionëve në fuqi të Partizanit, me të cilët fitoi 1-0 në shtëpi.
Vendi i 3-të dhe i 4-të ndahet mes dy ekipeve që zhvilluan ndeshjen e fundit të kësaj jave, Tirana e Laçi.
Kurbinasit fituan bindshëm 0-3 ndaj bardhebluve në kryeqytet dhe janë forcë e tretë e kampionatit me 10 pikë.
Vendi i 5-të i takon Vllaznisë me 9 pikë e cila u ndal në një barazim 1-1 me Dinamon në transfertë.
Nga i 6-ti deri në të 8-tin janë 3 ekipe që kanë kuotë të barabartë pikësh, Partizani, Erzeni, Teuta respektivisht.
Në fund të tabelës Dinamo e Kukësi mbyllin me 7 pikë secila.
JAVA 7 / REZULTATET
E DIEL (01.10.2023)
EGNATIA 0-1 TEUTA
SKËNDERBEU 1-0 PARTIZANI
E HËNË (02.10.2023)
KUKËSI 2-1 ERZENI
DINAMO 1-1 VLLAZNIA
E MARTË (03.10.2023)
TIRANA – LAÇI 0-3
Klasifikimi:
