Policia e Tiranës ka arrestuar një 63-vjeçar, shofer autobusi, i cili ka përplasur një person që lëvizte me biçikletë.
“Specialistët e Komisariatit të Policisë Rrugore Tiranë arrestuan shtetasin S. E., 63 vjeç, banues në Tiranë, pasi duke drejtuar mjetin (autobus), ka aksidentuar shtetasin V. P., 63 vjeç, që lëvizte me biçikletë, i cili ndodhet në spital, në kujdesin e mjekëve”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Ende nuk dihen për ngjarjen se në cilën zonë ka ndodhur ngjarja dhe autobusi i cilës linjë është përfshirë në aksident.
Të shpeshta janë rastet kur autobusët e kompanisë “Green Line” me pronar Nadir Caushollin përfshihen në aksidente të frikshme në kryeqytet duke rrezikuar jo pak herë jetën e qytetarëve.
